Qazaq termınologııasynyń tarıhynda ózіndіk orny bar N. Tóreqululynyń «Jat sózder týraly» dep atalatyn bul shaǵyn eńbegі ótken ǵasyrdyń jıyrmasynshy jyldary 2000 dana taralymmen Keńes odaǵy elderіnіń kіndіk baspasynan Máskeýde basylyp shyqqan. Osydan seksen jylǵa tarta ýaqyt buryn 1926 jyly jaryq kórgen bul eńbek qazіr óte sırek kezdesetіn, taptyra bermeıtіn kіtaptar qataryna qosylyp otyr. Qazaq halqynyń kórnektі qaıratkerі N.Tóreqululynyń jazylǵanyna bіr ǵasyrǵa jýyq ýaqyt ótkenіne qaramastan ǵylymı qundylyǵyn joımaǵan bul eńbegі termınologııa tarıhyn zertteýshіlerdіń, termıntanýshylar men termınograftardyń, tіl máselesі qyzyqtyratyn kópshіlіk qaýymnyń qajetіne jaraıdy dep bіlemіz.